絲絲講場：神華高管怕咗綠色

環保組織入場發問

內地好多煤炭、礦業公司，都被批評破壞環境生態，環保團體綠色和平，早前出過一份報告，指神華旗下鄂爾多斯項目大量開採地下水，又不合規排放污水。既然管理層咁人齊，佢哋點會放過機會呀。

點解綠色和平嘅人咁容易入到會場嘅？其實佢哋唔係打晒鑼鼓咁嚟抗議，實情係入咗場都冇人知，最神奇嘅係好多人參與答問環節，佢哋好似如有神助咁，喺第二輪發問環節，就畀主持人「點中」咗，呢位代表即刻表明身份：「我係綠色和平...」，佢嘅同伴就展示咗一大幅生態圖片。

答完合規火速散場

神華總裁凌文好鎮定咁答，神華生產完全符合政府標準，而且鄂爾多斯項目更已實現零排放，強調集團接受批評，但希望批評是公平及公正的。答完呢個問題，整個交流會就匆匆結束，凌文對於綠色和平代表踩場感到遺憾，但遺憾之餘，相信佢都要諗諗計，以防下次又有突襲！

余詩韻