九月包場玩盡迪士尼
今個星期日，係佢哋第一次舉辦Movie Day嘅大日子，包場請總公司超過200個同事同埋佢哋嘅家人睇卡通片《怪獸大學》，仲要係3D版，等大家放鬆下平日工作嘅心情。
睇戲唔夠喉？老友就話，佢哋仲打算，喺九月頭包場畀大家去迪士尼玩，實行玩足全日。其實絲絲聽講，新創建一向都好關心員工，之前已經率先推出男士侍產假，而且每年都會出錢畀員工去搞聚會，至於有幾多，老友就話「夠晒我哋去食buffet，或者去唱K啦！」
員工有歸屬感，流失率可能都少啲，根據人力資源學會嘅數據，舊年市場平均流失率係17%，老友話佢哋嘅流失率就係8%。