多國央行增持黃金，金價仍然升唔番上1,400蚊美元金關口，大戶依然睇淡金價，難得奧地利基金公司Superfund主管Christian Baha大唱反調唱好黃金，更大膽預測未來5至10年，金價會飆升至3,000至5,000美元。聽到呢個訊息，「中國大媽」真係開心到阿媽都唔認得。
「中國大媽」趁金價喺4月跌破千四美元，瘋狂搶金而聞名於世，絲絲喺香港見識過「中國大媽」嘅豪氣，買金係一盤盤咁買，唔會好似絲絲咁寒酸。據聞呢一役，「中國大媽」掃咗300億元人民幣嘅黃金，之後金價反彈，仲以為「中國大媽」為中國人爭光，打低華爾街大鱷，點知去到五月又跌過，大媽們即刻損手爛腳，呢次金價大跌，大媽們理性好多，並冇盲搶金。
大媽們其實實力非凡，並無因為金價跌就拋售黃金，依家咪同佢鬥命長，等金價升番上千九蚊，最好升到呢位奧地利基金公司主管預測嘅5,000美元，就發大達了。