市難玩 熟客無情講
他表示，券商普遍對細價股孖展非常審慎，以所屬證券行為例，細價股孖展融資比例一般只有貨值兩至三成，即使是「熟客」，若金額只是數十萬元、僅短炒兩至三日，連同其他股份如中價股計算，「勉勉強強可借到五成」。然而，若金額超過一百萬元，而且並非短線操作，「熟客都無情講」。
他續表示，現時炒作細價股很困難，「以前有消息普遍可炒一段時間，依家好多時都係見光死，只要成為市場焦點，相關股份好多時會唔郁，甚至會回落。」他又說：「外圍股市屢創新高，大戶無藉口造低個市，但係又無理由炒上去等你賺錢，結果個市唔上唔落，好難搵到食……個個都想賺錢，但係輪到散仔都水尾啦！」