億萬富豪蓋茨（Bill Gates）喺成為大富翁前，都曾經打過工，同好多普通人一樣，都曾經要寫求職信，佢嘅要求究竟高唔高？
美國西雅圖一個電腦博物館公開咗微軟創辦人蓋茨當年嘅求職信，當時佢應徵一份年薪只有15,000美元嘅系統程式員工作。
從求職信中可見，當年仲係哈佛大學新生嘅蓋茨只有18歲，表明返工地點冇所謂，老細話去邊就邊，仲話可以喺一九七四年嘅六月二十號返工（唔知係咪暑假開始），絲絲仲見到當年5呎10吋嘅蓋茨只有130磅咋！
有媒體計返當年今日嘅通脹率，年薪大約係依家76,000美元左右，除番開月薪大約係五萬蚊港紙，以讀緊書嚟講絕對係高薪一族！