絲絲講場：周松崗見聯大主席講商機
聯合國大會主席耶雷米奇（Vuk Jeremic），尋日就去咗港交所（00388），同港交所主席周松崗會晤。港交所冇講到耶雷米奇點解會嚟咗香港，咁啱呢幾日香港舉行緊國際級金融論壇，嚟自世界各地嘅金融舵手坐埋一齊，唔知佢係咪參加呢個盛會呢？
傾塞爾維亞對外投資
據聞周松崗向耶雷米奇介紹咗港交所同旗下市場嘅發展，仲傾過塞爾維亞對海外投資者提供嘅投資商機。
塞爾維亞同近期嘅金融震盪好似冇咩直接關係，咁佢哋點解揀呢個題材嚟傾呢？絲絲終於八到，原來耶雷米奇喺舊年六月獲選為聯合國大會主席前，已擔任塞爾維亞共和國外交部部長近六年，由佢講當地嘅投資商機，夠晒資格。