女性喺現今嘅社會扮演重要角色，唔少公司都趁三八婦女節宣揚呢個訊息，花旗銀行就喺全球87個國家舉行咗190項活動，當然包括香港啦。
集團亞太區行政總裁卓曦文（Stephen）為本港一連串嘅活動揭開序幕，仲親自主持員工論壇，分享佢事業成功嘅心得，勉勵一眾女性員工。
Stephen話：「不論性別，要成功就要勇於承受風險，接觸新事物及不斷改進」，佢仲強調，要建立成功嘅團隊，就要發揮每一位成員嘅潛能，唔只現場嘅女員工，絲絲聽到Stephen嘅鼓勵之後都一樣充滿鬥志！
除咗同Stephen對話，花旗仲舉行咗其他得意嘅活動，例如美甲彩繪班、手部護理班同中國剪紙班等等，更邀請來自弱勢社群嘅婦女擔當導師，意在增加佢哋面對社會嘅信心。
另外，第七屆「花旗集團財智星級爭霸戰」終於開幕啦，活動包括理財講座、網上課程等，吸引咗逾五萬七千中學生參加，花旗發展社區活動真係不遺餘力喇！
余詩韻