絲絲講場：王石最驚樓價再狂升

Jim上星期話，呢個泡沫已經「愈嚟愈大」，叫人要避免任何對中國房地產市場有關嘅投資，就連鋼鐵、鐵礦石都唔好掂。王石話過去兩年成功抑制房價瘋漲，已經難能可貴，不過只係靠硬性行政措施嘅抑制做法，係唔可以持續，需政策調整，所以對前景存在不確定的風險，一旦樓價再次狂升將可能失控，發生動亂都可能！

講明唔搶地唔囤貨

市場係咪同王石一樣悲觀就唔知，但佢間寶號萬科，喺中央推出新國五條呢個辣椒下發美元債，機構投資者反應都咁熱烈，就知大家對萬科幾有信心，亦即係唔係好驚房地產泡沫喇。王石亦重申，喺呢個環境，萬科可以做到嘅，就係唔拎地王、唔捂盤、唔跟風漲價，做剛性需求主流市場，難怪受到市場歡迎嘅！

余詩韻