絲絲講場：光行開張刻意唔張揚

其實呢個function真係無乜人知o架，不過原來管理層係用心良苦嘅，知道前日又有幾單大業績同財爺嘅show time，絲絲同一班老友已經忙到甩轆，所以先至無叫我哋去，仲話遲吓會早啲約我哋補番數喎。

唐雙寧來港做主持

睇番前日，除咗有醒獅助陣之外，來賓可謂星光熠熠，本地財金界要員自然唔在講，最重要嘅係連絲絲仰慕咗好耐嘅中國光大集團董事長兼中國光大銀行董事長唐雙寧亦有到場，仲親自主持開業儀式。

雖然光大銀行H股搞上市已經講咗一排，但暫時都仲未有明確時間表。

不過都唔緊要啦，香港貴為國際金融中心，人傑地靈，呢幾年有唔少內地銀行都借香港做跳板走向國際，話唔定光大銀行都可以好似佢哋咁，喺香港發光發亮呢！

余詩韻