孖妹S檔案：財俊財女談愛講股

輪證窩心 都要講夾

蔡：法興環球股票產品策略師蔡秀虹

彩兒： Eva，你結婚兩年愈見甜蜜！反看我同高妹只同股票及輪證談情咋！

王昕媛（Kate）

黃偉豪

　蔡： 哈哈，愛情？投資？兩者都有八成相似！就好似買賣窩輪畀投資者心跳的感覺，心情總隨着價位的高低而七上八落，但講到兩人相處，最重要都係舒服，話晒要對成世，如有芥蒂又怎樣共處？投資者亦同樣，如因風險太高或注碼太高有感不安，那又何必呢？散戶可因應自己的目標及風險承受能力而選擇窩輪，最重要夾得來！

彩兒： 但窩輪係短線投資，老公卻係一輩子的！

　蔡： 係呀，窩輪涉及時間值，如果回報不佳，就要忍痛止蝕，但老公就唔可以因為唔對辦而退貨！我通常同老公吵架時，都會先自我冷靜，以免因火遮眼而講錯嘢！不過，儘管窩輪係以即日鮮為主，但經驗技巧則需經長時間累積，散戶不妨集中一至兩項產品，才可獲更高回報。

推介：內險股認購證

原因： 近排A股上升，帶動H股做好，內險股前景甚佳！

忌追浮誇 內銀尋寶

王：國泰君安（香港）投資諮詢部分析員王昕媛（Kate）

彩兒： Kate，甚麼類型的男生才可吸引你的青睞？

　王： 我喜歡一些態度正面的男生，在生活及工作都要有正能量，而最重要係忠誠，正所謂「易求無價寶，難得有情郎」。

彩兒： 絕對贊同！我們經常喺魚缸內尋「寶」，但就難以覓得有情郎！

　王： 話時話，愛情同投資都有不少共通點，兩者同樣講求策略、目標、風險及時間的投放，其實依家散戶鍾意高追股份，情況等同時下女生喜歡有外型又有財富的浪子，可惜最終均「虧蝕」離場！不過，講到尋寶，今年不妨留意內銀、內險等板塊，續有發展優勢！

推介：農行（01288）

原因： 中國經濟增速兼反彈，可帶動內銀做好。

從心痛之中學耐性

黃：耀才證券市場研究部高級分析員黃偉豪

高妹： 聽聞你份人好sweet，經常製造驚喜畀女朋友！

　黃： 我今日會請半天假，然後去接佢放工氹佢開心，再一齊食飯慶祝！其實拍拖同炒股一樣充滿變數，均需要付出耐性及心力！隨着年齡的增長，看法亦有所不同，以前會憑感覺揀股、揀對象，但現在對事物的認知多了，便會知道怎樣揀出優質股及維繫感情喇！

高妹：人家常說愛情路上最痛是分手！

黃：兩年前，當我與第一個女朋友分手時，的確甚為痛心，但已成過去，最重要能經一事長一智，現在學懂耐性的重要，道理就如炒股一樣，不少散戶都會急性子沽貨，最終發現走寶！

推介：中移（00941）

原因： 估值低且水頭充裕，大有升值條件，今年可看升至100元。

相處睇市 兼要空間

胡：輝立証券研究部分析員胡騰龍

彩兒： 你平時咁忙，你點同女朋友keep住甜蜜？

　胡： 平時要多溝通，好讓大家了解對方所想所需，正如去年生日，女朋友知道我工作繁忙需要休息，她便預訂澳門船票及酒店，同我一齊過去輕鬆一下，這份禮物相當窩心，比起其他名牌服飾更來得實在及體貼！

彩兒：你們平時怎樣相處？

胡：我哋一齊咗一年半，但因一個返工，一個返學，見面的時間不多。然而，我們認為情侶相處反需留有空間，散戶日日睇住個市會易受市況波動影響。投資者只需知道目標所在便可！

推介：置富產業（00778）

原因： 穩健、收息之選，加上租金收入可觀，其長線升值潛力令人期待。

花心揀輪 留意國策

何：瑞信香港認股證及牛熊證銷售主管何啟聰（Ivan）

高妹： 如果男士如市面上的投資產品般任君選擇就好喇！

　何： 儘管市面上的輪證產品多不勝數，但你哋一定要較為揀擇，才可搵到適合自己的人或物。不過窩輪始終有時間值，投資者需不時考慮轉換，千萬不能從一而終，但伴侶則不同，揀啱咗就唔可以始亂終棄！

高妹：你有冇好介紹先？

何：哈哈，人就冇喇，但你哋可留意與國策相關的股份，如新能源、基建及券商等，都值得憧憬！

高妹：你剛與女友遊日本，會再有驚喜？

何：今日只會外出食飯同交換禮物，過一個平淡但甜蜜的情人節！

推介：國策股認購證

原因： 今年是換屆年，投資焦點將由國策帶動。

藍籌穩重 馬鋼博彈

李：時富金融研究部副主管李韻儀（Sonija）

高妹： Sonija，你今日點慶祝？

　李： 唉，我一陣要返學，冇時間慶祝！不過，這些節日慶祝已過於形式化，我們較着重平日的相處，因我追求的是穩定的愛情，而不是大起大跌的刺激。

高妹：這亦是一種幸福，如同買咗一隻藍籌股，也不錯呀！

李：所以我的投資組合也是以穩健為主，現金及人民幣的比重較大。今年計，我認為中資股的表現可看高一線，加上水泥、鋼鐵、汽車等行業可受惠國內政策，股民大可留意馬鋼（00323），其盈利能力續受基建帶動，有不俗的升值空間。

推介：馬鋼（00323）

原因： 受國策推動，盈利有升值潛力。

高妹、彩兒

若有料報畀高妹同彩兒或有嘢問，可電郵money.biz@opg.com.hk