絲絲雖然喺上次美國總統奧巴馬嘅連任演講中，不斷聽到佢重申美國自由嘅重要性，但原來美國喺同性婚姻合法化議題上，仲有好多爭議，全國只有不足10個州份容許同性婚姻。
近日就有包括eBay在內嘅最少13間美國企業，表明支持推翻現時美國只容許異性婚姻嘅法例，當中有6間係入選美國財富500強嘅公司。
撐同性婚姻嘅，仲包括美國藥廠Bristol-Myers Squibb、酒店集團Marriott International、人壽保險公司Aetna、時裝品牌A/X Armani Exchange，同美國電子遊戲公司Electronic Arts等等，佢哋一齊加入咗一個支持平等性取向嘅聯盟。其中Marriott表示，公司一直為對所有員工爭取平等待遇感到自豪，促請白宮盡快通過新嘅婚姻法案！
唔知今次咁多大企業帶頭行出嚟支持同性婚姻，能唔能夠說服到一眾保守派嘅眾議員呢？