投行出名花紅多，不過保險公司都唔差，美國萬通高級副總裁及首席市務總監蕭莉玲（Jeanne）嚟緊會同top sales一齊去夏威夷曬太陽，粗略估計分分鐘用成千萬呀！
Jeanne話，除咗投資產品之外，今年所有產品都賣得好，加上強積金半自由行實施之後，轉入佢哋公司多過轉出，唔係間間保險公司都有呢個成績o架！
公司賺到錢，當然要獎勵班前線員工，Jeanne透露，今年會去夏威夷，已經為員工揀咗間坐落喺威基基沙灘正中央嘅酒店，仲會包起珍珠港嗰隻「大和號」一齊食餐飯！
絲絲聽聞，今次有200人參與，以人頭計，每人埋單近6萬蚊，一周花費約1,200萬，出手認真闊綽，睇嚟呢班員工應該幫公司賺咗唔少錢！
原來，員工表現獲「qualified」評級，先可以享受美酒佳餚，話都無咁蹺，最近美國萬通有新產品，承保多達116種嚴重及早期疾病。絲絲知道，出年個trip會去意大利，睇嚟大家要努力達標喇！