自聖誕節過後，美元兌日圓曾由84水平急升至最高89水平，不過背後的理由同樣是安倍晉三再次呼籲日本央行擴大財政支出。
不過，同一遍說話講一百次唔一定會成為事實，安倍做唔做到，就要留到一月二十一至二十二日，日本央行行長白川方明會唔會賣安倍的帳。
想食大茶飯不如留意吓隻英鎊，短線仍在1.59至1.62整固。不過再睇睇月線圖就發覺自從金融海嘯時，英鎊由2.11急跌至最低1.35水平後開始，英鎊曾反彈至1.70，之後整整三年英鎊匯價未曾擺脫1.35至1.70，惟每次高位比之前高位為低，低位比之前低位又高，技術上形成一個三角形。
目前三角形形態已經走到盡頭，係時候要作出突破，不過爆上爆落暫未可預料。若然突破1.58至1.64區間，預期一個大趨勢將會成型，並會是繼日圓後一三年另一大茶飯之選。
GMO CLICK環球通副總裁 陳健豪