近期港股開始回勇，成交額仲多番唔少添，難怪不少證券行都搞搞新玩意喇，例如致富證券就搞咗個「2012最佳分行選舉」。絲絲聽致富證券部經理郭家安（Thomas）講，原來呢個選舉已經搞咗兩年，而紅磡分行更連續兩年奪冠，成為散戶心目中嘅最佳分行。
既然選舉有計分制，咁贏咗又點少得獎勵呢！Thomas表示，勝出嘅證券分行會有獎盃，全體同事亦會有現金獎，當係少少鼓勵。不過，要贏都唔係容易o架，佢補充：「整個選舉分兩部分進行，50%分數來自客戶意見調查 、網上投票、電話抽查以及神秘顧客嘅評分；另外50%由內部進行評估，即交畀管理層去做評分。」嘩！呢個選舉咁嚴謹，唔知今年會係邊間分行勝出呢？