綠城豪派500萬獎金
成為內地地產界top sales嘅王亞偉，係隸屬綠城中國（03900）嘅置業顧問，佢上年賣出嘅物業總共價值6.95億元人民幣，成為集團嘅全國銷售冠軍。公司為咗留住呢位人才，都非常爽快咁畀咗一筆獎金佢，除稅後達到五百萬元人民幣。原本內部流傳銷售冠軍嘅獎品只係一架靚車，點知公司咁大手筆，成班同事都好羨慕王亞偉。
你哋唔好以為呢個王亞偉係一位好硬淨嘅男士，其實佢上年啱啱做咗媽媽，三月先放完產假復工。絲絲聽講，原本有個客人淨係想買一個寫字樓單位，點知王亞偉就落足嘴頭，將一整棟價值四億元人民幣嘅商廈賣咗畀呢位客人！所以話，王亞偉呢五百萬獎金真係絕對值得佢囉啊！