張華峰剛剛開始議員生涯，就可能要遇上「拉布」，長時間坐喺立法會，可能要帶定餅乾充飢，希望佢體重唔好反彈！
李細燕連任會長
今次證券學會大開筵席，除咗係賀張華峰外，亦都係該會新一屆理事會就職典禮兼22周年紀念，咁多喜事一齊嚟，梗係要大搞。證券學會最近舉行理事會選舉，選舉新一屆會長同副會長。學會會長李細燕連任，可多做三年。市場對細燕蟬聯會長，應該冇乜意外，因為過去三年，佢做咗唔少嘢，將學會搞得有聲有色，反為較令人意外係詹劍崙做咗該會副會長。
李細燕就話，詹劍崙一向係該會理事，亦好落力學會事務，做副會長亦順理成章喎。