康師傅推奶茶鬥統一

統一奶茶市佔逾六成

康師傅的規模雖然遠超統一，但近年統一積極搶攻市場，先於奶茶市場殺出一條血路，由於相關市場品牌集中，兩大主要品牌要佔整個市場逾九成，亦造就了統一瞬間已成功打造領先地位，據公司去年年報所示，去年奶茶收益按年增長1.81倍，市佔率高達60.2%，大大拋離對手。

事實上，統一早於○九年底便首推奶茶產品「阿薩姆奶茶」，康師傅較對手遲兩年多、於上月才推出兩種口味的奶茶，一位追蹤中資食品股的分析員指出，「無話遲唔遲，只係佢（康師傅）唔想畀統一壟斷，始終奶茶嘅市場比例唔大，係咪可以分一杯羹，就要睇吓市場對產品的反應。」

康師傅牛肉麵贏口碑

至於統一另一個打遍天下的產品，就是「老壇酸菜牛肉麵」，目前在酸菜方便麵的10.7%市場份額中，此產品便已佔去7.3%，穩奪領導地位，而且去年佔統一方便麵收入達六成，雖然康師傅短時間內已「跟風」，但成績平平。

眼見「老壇酸菜牛肉麵」成功，統一順勢推出滷肉麵，但分析員並不睇好，指：「講到類似肉類嘅方便麵，康師傅嘅紅燒牛肉麵就係招牌，有口碑，位列全國第一，而且康師傅今次有別於過往，好快都推出咗相同口味，變咗兩者競爭大咗，相信唔會好似酸菜咁好成績。」