開門市 拍網企造勢
Rovio亞洲高級副總裁Henri Holm最近嚟咗香港，佢對業務前景好有信心，覺得內地嘅智能手機數目會幾何級數咁上，會帶挈憤怒鳥嘅下載量。佢仲睇準內地人多數下載免費版憤怒鳥嚟玩，覺得可以幫啲客喺嗰度賣廣告，乘機賺多筆。
Rovio依家同騰訊控股（00700）、新浪、優酷和奇虎360等互聯網公司展開合作後，據聞會與另外兩家內地網絡公司合作。
基於公司內地業務嘅大部分收入都係來自憤怒鳥嘅主題產品，佢哋打算今年內喺內地開第一間零售店，仲諗住推出隻可以行HTML5網絡嘅憤怒鳥遊戲添！
至於公司幾時上市？佢話籌備緊，確實時間同地點就未定，只係話唔會喺今年上市。
余絲韻