投身金融界近二十七年，向來堅信價值投資理念的陸東，自問為非常理性的專業投資者，然而股市並非理性，因此令他亦踩中兩次的投資陷阱。
陸東坦言：「第一次係一九九九年，當年有好多唔賺錢嘅公司股價升到嘭嘭聲，好似電訊盈科（00008）咁，我由頭到尾無買過，因為我計來計去都計唔到呢間公司點解會賺到錢？於是當年本來同我分享相同價值投資理念嘅人離我而去，甚至話我廢柴；而第二次就係舊年，因為有好多賺到錢嘅公司股價竟然跌到嘭嘭聲，於是亦有人話我唔掂。但呢兩個情況就證明咗市場並非理性。」對此，陸東提醒投資者要緊記：「即使市場處於長期不理性嘅狀況，你都要繼續保持理性。」