絲絲講場：建行公關執位依然親民
建行（00939）公關部一直畀人好親民嘅形象，其中一個原因都係嚟自前公共關係及企業文化部總經理胡昌苗嘅作風，但係尋日建行第六年喺香港搞傳媒春茗，絲絲唔見胡總，一問之下，原來胡總今個月已經升任廣西分行行長一職，認真戥佢開心。
至於胡總嘅工作就由公共關係及企業文化部副總經理王熾接手，聽講佢之前做過記者，仲曾經長駐香港，聽廣東話絕對無問題。
招行張東 永隆睇場
據聞王總喺○六年加入建行，好熟悉傳媒運作，佢亦好謙虛咁話，佢嘅重點工作就係服務傳媒，睇嚟有佢喺度，建行嘅親民作風應該唔會改變。
內銀積極嚟港發展，北水南來之餘，人才亦都南來，招商銀行（03968）好擅長做零售業務，原先執掌招行零售銀行部副總經理嘅張東，原來年初起南下香江，出任招行旗下嘅永隆銀行副總經理，睇晒成個零售銀行部，上至分行管理，下至存款業務，一律由張副總打理。
余絲韻