市場人氣回升
今日龍年第一擊，詩詩揀嚟港交所（00388）。舊年港交所大弱勢，由190.6元高位碌落嚟，一度紅底不保。不過，過年前中港股市都見強勢，恒指重上20,000關，滬綜指亦收復2,300點水平，而港股近期交投明顯增加，上周五主板成交達659億元，市場人氣回升，自然有助港交所股價回勇。
睇走勢，雖然之前已連升四日，但股價10日線剛升穿20日線，上周五股價跌過落129.8元，最後都可拗腰上番131.7元收市，倒升1元，可見上升動力未減，有機挑戰140元，支持位睇125元。若然嫌正股銀碼大的話，亦不妨吼一吓認購證，心水有16037，貪佢街貨少，交投亦算旺，要轉身唔困難。
詩詩