到底（逗）幾多人工至係多？咁年薪過百萬多唔多呢？其實都係相對嘅，因為要睇你點樣比。好似擔任國際貨幣基金組織（IMF）副總裁就快五個月嘅朱民，佢依家嘅年薪接近37.3萬美元（約290萬港元），高過晒國有四大銀行嘅行長。
IMF嘅職責係監察貨幣匯率同各國貿易情況，確保全球金融制度運作正常。佢哋可以對某國某機構嘅決策提出抗議、反對，仲可以運用權力對嗰啲違反規定嘅機構同國家進行處罰。
咁權威嘅機構，總裁拉加德嘅年薪超過45萬美元，就算同法國總統薩爾科齊相比，拉加德一啲都唔輸蝕o架。
但擺埋去標普500大公司 Stanley Black & Decker 總裁John Lundgren嘅3,257萬美元年薪度，拉加德攞嘅「零頭」薪水，即刻畀人話係「白菜價」喎。
年薪比拉加德少17%嘅朱民，都唔可以同內地民營金融機構啲高層比，但就比四大行嘅行長起碼多1.4倍。咁一行之長，同分管68國、承擔多國協調合作工作，邊樣難做啲呢？所以話朱民嘅工資係辛苦錢，絕對冇錯。