咖啡一向都好有外國feel，不過華潤創業（00291）旗下嘅Pacific Coffee最近喺內地就大搞新意，推出三款加入中國佳釀，包括花雕、二鍋頭、桂花陳同埋君度橙酒嘅咖啡同飲品，呢個中西合璧嘅配搭唔單止充滿莫大驚喜，而且好受內地人歡迎添！
華創戰略策劃及投資者關係部總經理謝丹瀚話自收購咗Pacific Coffee後，致力開拓內地市場，依家喺內地嘅分店已有33家，計劃今年底開至40多間。
呢三樣新花款係配合公司要比人哋行多一步嘅理念，而且每款新產品起用充滿詩意嘅名，好似花雕酒配摩卡就叫「花好月圓」、以葡萄同桂花釀造嘅桂花陳酒加上有天然果香嘅君度橙酒再配上摩卡就係「君子好逑」，第三款叫「鐵漢柔情」原來係北京最傳統嘅二鍋頭加入紅柚子思樂冰。
余詩韻