近年人事變動好大
獅子行近期話要精簡架構，內部職位翻天覆地進行大重組，絲絲都係尋日見到新聞稿引述「滙豐保險（亞洲）香港保險業務董事總經理孟學燊」，先至知道原來香港區保險話事人係阿Paul咋。
講起滙豐香港區話事人呢個位，近年來人事變動都好大，鍾意親手煮番兩味嘅石湛森（Jason）舊年跳槽另謀高就，去年十月接棒嘅前皇家澳洲炮隊及情報軍團軍官梁偉邦（Robert）前陣子亦返咗老家繼續打拚。
獅子銀行近期人事變動好大，除咗係香港區總裁一職即刻公布由馮婉眉出任之外，其他嘅接任人消息絕大部分都係一個大問號，可能要等精簡架構大任務完結後，先至能夠塵埃落定啦。