絲絲講場：拉加德開微博即有13萬粉絲
喺內地唔用得fb、Twitter同YouTube，但可以用微博。想同中國網民拉近距離？梗係要開番個微博帳號。拉加德第一次用國際貨幣基金組織總裁身份訪華，就即刻喺新浪開咗個微博，依家粉絲團人數累計有13萬喇！
聽吓上海社交媒體諮詢公司CIC創始人弗萊明點講，「新浪微博係一個全國性嘅茶水間，人人都喺度分享消息同八卦。如果想知道中國發生緊乜事，你就要去開個戶口」。拉加德可能接納佢嘅建議，喺上個禮拜一喺新浪開通咗微博，兩日就累積咗6萬粉絲，依家仲上升到13萬人。
范龍佩blog日日更新
其實拉加德唔係第一個喺內地開微博嘅國際大腕，歐盟理事會主席范龍佩喺今年五月十二日，亦喺內地開咗個微博，仲日日更新添，粉絲人數已經超過18萬。有人向范龍佩提意見，但拉加德都啱用，就係「如果你用英文，百名網友30%識睇；如果你用法文，只有3個識睇；如果你用中文，就人人睇得明，就算你寫錯都唔緊要o架」。