話說一九八八年十月，當頂新集團諗住去大陸投資嗰陣，國共雙方嘅關係仲幾「緊張」吓，且由於當時魏家供奉「關帝」，於是乎就喺魏家四董魏應行臨行前到行天宮拜神祈願，請求「關帝」指示，結果求得「上上籤」，為魏應行提供巨大信心。
致勝王道──庶民消費
不過，有「關帝」嘅「祝福」，唔代表「唔辛苦」。魏應行話，其實最唔適應係氣候太乾，以致佢一直流鼻血；又經常做「空中飛人」，有時瞓醒都要諗一諗「究竟我喺邊？！」好彩近年頂新喺大陸都搞得有聲有色，全因魏應行明白到，喺內地經營餐飲業，致勝嘅王道是「庶民消費」。那何謂「庶民消費」呢？魏應行嘅理解，就是「諗都唔使諗就會買嘅價格」，配搭「生活中嘅必需品」。