奇虎360舊年九月指摘騰訊嘅QQ軟件存在私隱風險，掀起備受關注嘅「3Q大戰」，事隔一年北京法院終於作出終審判決，判定360對騰訊嘅商業詆毀構成不正當競爭，並要向騰訊道歉賠償，公司總算「沉冤得雪」。
不過，作為主席嘅馬化騰尋日就向員工發信，勸誡同事不應感到欣喜，反而要從中反思。
馬化騰之前多次表示，「3Q大戰」對騰訊帶來嘅震盪，係促成集團加快推展開放平台策略嘅原因之一。佢嘅親筆信就指出，員工可能因公司沉冤得雪而欣喜鼓舞，但佢唔想公司上下沉醉呢種感覺。
騰訊應該反思，積極面對未來，並提醒騰訊開放平台嘅策略，雖使集團呈現「柳暗花明又一村」嘅格局，但在摸着石頭過河嘅過程中，仍不可避免會犯錯走彎路，而公司上下亦要以開放嘅胸懷，面對及接納善意批評！
余絲韻