HTC王雪紅打入20名
緊接嘅有台灣女首富之稱嘅HTC董事長王雪紅。佢最廣為港人熟悉係年初同殼王陳國強入主電視廣播一事。舊年佢冇入榜，今年一入就排20位。同樣首次入榜嘅，仲有SOHO中國首席執行官張欣、長城汽車總裁王鳳英、SAP中國區總裁蕭潔雲。中國電力董事長李小琳，同埋摩根大通董事總經理李晶，就排43同46位。
《財富》雜誌同時公布全美50位最具影響力女性，由卡夫食品行政總裁羅森菲爾德升咗上榜首，頂替咗穩佔榜首長達五年嘅百事公司行政總裁努伊嘅位置。最有趣嘅喺惠普行政總裁惠特曼上任短短幾日就成功入選，而且排名仲好前，位列第九位。不過，月初先被雅虎解僱嘅行政總裁巴茨，今年就榜上無名。
余絲韻