絲絲講場：鄭志明：係時候執平貨
近期受到外圍市況嘅影響，個市一係就chok上chok落，一係就勁跌，有唔少散戶都好似絲絲咁，見到個市跌成咁，心思思想入市。尋日絲絲見到新世界發展（00017）主席鄭裕彤嘅乖孫鄭志明，佢話依家係入市嘅時機。咁到底咩板塊好呢?佢就話依家個市咁，咩板塊都好，因為乜都平喎！
策略投資表現出眾
鄭志明依家係新創建（00659）嘅執行董事，佢哋喺啱啱嗰個年度，策略投資表現非常理想，唔單止係分拆咗新礦資源（01231）上市，仲賣咗部分策略性投資包括光大國際（00257）同埋AIA友邦保險（01299）添。
出貨用資產值決定
至於點解要出售呢兩隻股份呢？鄭志明話，其實公司主要係根據隻股份嘅資產值，同埋買入價嚟決定投資策略，而佢又話，新創建嘅策略投資主要係由旗下一個委員會決定，而投資嘅項目多數都會同新創建嘅業務有關。
余絲韻