講開沽空，見藍籌股騰訊（00700）尋日沽空比率達34%，尋日股價最後收報165.4元，升3.38%，似乎此股將成為港股下一大跌浪中被力質嘅主角。
利淡消息充斥市場，仍可跑贏大市嘅個股唔多，電訊股算唔錯，好似隻聯通（00762）現價只較52周高位相差唔到一成，而做唔少iPhone零件組件嘅瑞聲科技（02018），股價連日做好，尋日高位做17.3元，收報17.22元，升5.6%，成交增加至1.63億元。
蘋果公司將於下月四日宣布推出iPhone5，此前相關概念股份仍受關注，瑞聲下一阻力區在18至18.2元，50日線支持位在16元。
古晨