絲絲講場：大師墨寶

美聯集團（01200）副主席兼董事總經理黃錦康，太極功夫了得，佢喺幾個月前，喺一個活動上，巧遇蜚聲國際嘅國學大師饒宗頤，更獲對方贈寫「指揮若定」四字書法。所謂「北有季羨林，南有饒宗頤」，兩人的作品一向係唔少收藏家至愛。黃生話，饒先生當時喺活動上表演氣功書法，佢就表演氣功爆板，可以講同屬氣功界一分子，難得對方揮毫送贈，所以同大家分享佢嘅喜悅。