如果唔滿意上市公司嘅集資方案，作為小股東嘅你可以做啲乜？招行其中一個股東——陝西創贏投資理財公司嘅董事長崔軍，就直接打電話畀「股神」巴菲特，希望冧到佢入股招行，到時招行股價自動上升，就可以去到一個「合理股值」啦！
招行喺上月中公布咗配售A、H股集資350億人仔嘅方案，崔軍好唔鍾意，仲寫咗一封「致招行董事長及股東」嘅公開信。佢提出咗反建議，就係直接向巴菲特配售22.93億H股，可集資350億元。
崔軍真係搵到巴菲特，當然係透過「留學生」嘅幫助去「交流」喇。巴菲特嘅助手畀咗電郵地址，崔軍即刻Email招行嘅年報、季報。只要巴菲特有回覆，佢就會再與招行董事長傅育寧溝通。
余絲韻