好耐之前，筆者喺內蒙走咗一轉，點可以唔去內地嘅蒙牛（02319）走轉。如果大家印象猶在，三聚氰胺出現，其中嘅大輸家，梗係數「牛仔」啦，○八年呢單嘢一爆，又話要回收產品，又要賠償，一蝕就9億幾，都咪話唔犀利。
好彩○九年，中糧集團入股兩成，以白武士嘅姿態加上阿爺光環一出，由一間民企變成有國企色彩，將以前輸嘅追番來，好嘢！
近期中糧擺明再大手增持牛仔，持股28%，最令人想知嘅係出售嘅股份來自邊位，內地傳媒話係來自始創股東。筆者最欣賞牛生嘅經營哲學，畀好多民企老總來得「心胸廣闊」更有抱負。新任老總寧生，一向以穩陣嘜頭作本名，如果大家對公司之前投以不夠信心一票，咁樣寧生嘅老實樣某程度上可以做咗一個「定海嘜頭」。
中糧增持，大行睇好，又話行業整合，又話銷售增長，但三聚氰胺當年未發生時都係得到各大行力撐。我覺得最好嘅方法，就係搵一間大學做產品授證，依家好多健康產品都係用緊相同策略，咁咪來得更加直接同快捷，係咪？
香港大學電子金融服務榮譽助理教授 徐燦傑
（作者為註冊持牌人士）