中石化續居榜首
睇番早前公布嘅《財富》世界500強企業排行榜，營業收入門檻亦提高至24億美元，由於大陸與海外企業嘅營業收入基數唔同，好難比較邊個升得多啲。
中國500強排行榜嘅頭三位，依然係中國石油化工、中國石油天然氣及中國移動。 有45家企業今年首次上榜，當中包括中國農業銀行及遼寧華錦通達化工，而所有上榜公司中只有9家出現虧損。巧合嘅係，今年僅僅入圍排名第500位嘅山東海龍股份，喺去年亦係排名榜末，即係話佢嘅收入增長正正等於門檻提高嘅幅度。
上榜嘅500強企業總收入高達18.9萬億元，較上一年增長38%，佔大陸GDP嘅47%，總利潤達1.9萬億元，較上一年增長47%。
（余絲韻）