七月盛夏，又係舉行書展嘅月份，已出過逾20本書嘅香港大學電子金融服務榮譽助理教授徐燦傑（Jeslie）當然有份參與其中，今年佢會推出證券考試天書，專攻證券及期貨從業員資格考試卷一嘅基本證券及期貨規例，書名大字標題《一擊即中》，可謂夠晒氣勢及好意頭。
呢本書有乜特別之處？Jeslie話，呢本係全港第一本針對今年六月新修訂嘅卷一綱要而撰寫嘅書，頁數亦由原本嘅180頁加到240多頁。Jeslie仲憶述自己當年考卷一時，用咗約兩周時間溫書就成功「一Take」合格，成功嘅背後除咗努力外，亦少不免有本考試天書幫手喎，所以佢亦希望今次呢本書可以回饋社會，協助有志投身金融界嘅人士考試「一擊即中」。
難怪Jeslie嘅一班「粉絲」除咗尊稱佢為「Prof.J」之外，亦開始封佢為「股壇補習天王」啦！
余絲韻