AIA香港首席市場總監李滿能最近好忙，佢話搞緊一個以「Mind the Gap」為主題嘅大型健康推廣計劃，唔講唔知，原來港人喺醫療保障所存在嘅「缺口」好大，分分鐘無法負擔高昂醫療費用。
李滿能引用咗政府嘅數據，指出香港只有42.7%人士擁有僱主/機構所提供嘅醫療福利，或受到個人購買嘅醫療保險保障，大部分市民未有為醫療保障做好準備。佢話近年醫療費用不斷上升，僱主提供嘅團體醫療保障範圍未必足夠應付實際開支，僱員一旦失業或退休後更會失去原有保障。有啲市民亦冇考慮現有醫療保障係咪真正切合所需，例如佢哋可能擁有幾份醫療保障計劃，但若不幸入院時，結果只有一份能成功索償。
AIA香港希望透過今次全新嘅「Mind the Gap」健康推廣計劃，喚起市民關注合適醫療保險及周全保障嘅需要，為咗堵塞呢個「缺口」，佢哋準備咗唔同嘅保險保障計劃，以應付人生不同階段嘅各樣需要。
余絲韻