絲絲講場：首屆公關獎恒生中三寶
投資者鍾唔鍾意一隻股票，好睇呢間上市公司嘅透明度，以及佢哋與投資者嘅溝通係咪足夠，所以公共關係就成為重要一環。恒生銀行（00011）尋日喺香港公共關係專業人員協會舉辦嘅首屆「香港公共關係獎」中，榮獲三個重要獎項，認真威水。
張樹槐奪個人大獎
恒生銀行助理總經理張樹槐（Walter）攞到「卓越公關專業人員大獎」，該行並憑着「恒生‧珠三角環保大獎」項目，奪得「最佳創意獎」及「企業社會責任組別──優異獎」。
Walter話，恒生與香港工業總會喺○七年推出「恒生‧珠三角環保大獎」，旨在對製造業推動環保成果作出嘉許，並鼓勵企業持續提升環保表現。負責頒獎嘅「香港公共關係獎」籌委會主席陳祖澤話，Walter贏得「卓越公關專業人員大獎」，係對佢工作表現嘅肯定。
余絲韻