限購令唔撐得幾耐
佢話依家成個中國房地產業就好似一個家庭嘅大仔咁，大仔最冇着數，行又行先，做又做先，仲要賺錢扶持成頭家，帶大埋啲細佬妹，但父母永遠都係錫細嘅多啲，好嘢都係畀啲細嘅，對大仔就成日只會講，要繼續努力搵多啲呀！不過，房地產業始終係自己個仔，邊有見過啲父母打仔會打到佢死為止o架？只會喺佢做錯事時打幾下，教訓吓佢，轉頭又會錫番o架啦，所以佢話房地產市場前景並唔會悲觀。
倪建達對於限購令亦有獨特見解，佢認為限購令好似依家國家出台政策，唔畀啲人用LV袋去街市買嘢，一定要用環保袋，咁樣好違反市場規則，唔堅持得幾耐，所以佢認為執行起上嚟都應該幾脆弱吓。
余絲韻