隨着萬科嘅年報登場，內地房企薪水最高嘅老闆，亦由華遠集團總裁任志強變為萬科董事長王石，後者以760萬元人仔薪金搶去「任大炮」蟬聯咗「N年」嘅冠軍寶座。近年有唔少爭議嘅王石即刻成為箭靶，但佢亦好快還擊，罕有咁用微博公開回應網友，話「萬科已係世界最大嘅住宅開發企業，作為董事長，你覺得700萬人工好高咩？」咁強硬嘅回應梗係觸目喇！
有人批評佢身為知名公眾人物，咁樣回應有失風度，不過亦有大把人撐佢，仲話王石就算一年逗一億美金都好正常添。雖然誇張咗啲，但公司嘅人就力撐老闆，猛話王石不但將名下大部分嘅股份捐咗畀公司，仲每年「科水」畀萬科嘅慈善基金，所以一定唔係行內最有錢嗰位。
余絲韻