黃光裕當年搵陳曉「睇檔」，就係睇中陳曉做過老闆，可以用老闆嘅角度解決問題，兼且兩人性格可以互補。正如陳曉所講：「我比較理性，佢比較感性；我審慎，佢大膽。」兩人曾經有過蜜月期，黃光裕特別厚待佢，甚至叫屋企嘅工人每日煮多一份飯餸，送到陳曉嘅辦公室，兩人嘅辦公室及房車嘅豪華程度亦相若。至今兩人關係決裂，真係估唔到。
竺稼撐國美新軍團
陳曉個位已經決定咗由張大中做，一直與陳曉並肩作戰嘅國美第二大股東貝恩投資董事總經理竺稼，好快咁表態支持新管理層，話歡迎張大中及李港衛加入國美董事會。外資行美林及瑞銀發表報告，都認為陳曉嘅離開掃除咗國美管理層變動嘅不明朗因素，仲維持對國美嘅「買入」評級。
余絲韻