持卡年資長較優惠
由五月一日起，用中銀信用卡積分換禮品將會有「新優惠」，按持有信用卡年資計，持卡11至20年先可以用2萬分換100蚊，而持卡達21年或以上嘅卡戶，就可用15000分換取。
依家中銀信用卡換禮品唔係按年資計積分，基本上2萬分可換到100蚊現金券，持卡未夠11年嘅卡戶，遲啲就要加多5,000分先換到同一份禮品。今次中銀變相提高入場費，絲絲只能慨嘆香港通脹真係惡化得好緊要。
中銀雖然提高信用卡換禮品門檻，不過就推出新優惠畀大專學生，六月底前開立「好自在」綜合帳戶，將有中銀萬事達鈦金卡200元免找數簽帳額迎新優惠。
余絲韻