美國歷練 基金界強人
新加盟嘅高手叫Bill Lu（陸飆），喺大陸出生，又喺美國歷練咗好長時間，名副其實嘅海歸派，佢喺09年由華爾街轉到中投，喺加盟中投之前，係美國對沖基金Tudor Investment嘅基金經理。
市場消息話佢會做Ortus嘅總裁，呢個基金喺2003年，由前雷曼及貝爾斯登嘅坐盤員Joe Zho成立，基金依家嘅size大約有21億美元，連埋新請嘅六個高手，依家員工已有二十三人。
中國主權基金中投成立以來，投資回報一般，喺09年開始轉變策略，包括引入對沖基金人才，Bill當時喺因為有對沖基金經驗而被中投羅致。《彭博社》搵過中投同埋Ortus嘅負責人回應，但都不肯評論。
余絲韻