話說本港嘅互聯網專業協會搞咗個資訊科技業界訪京團，一行50人，包括主辦嘅互聯網專業協會會長鄧淑明、中銀香港資訊科技部副總經理鄭松岩及數碼港管理行政總裁林向陽等，會喺本月十二日起程，拜訪內地政府高官以及政策制訂部門等，反映本港資訊科技業界嘅訴求，希望本港科技企業能夠喺內地享有與當地機構同等嘅待遇，而唔會被當係境外機構看待。
兩地討論區交流
負責帶團嘅姊妹爆料話，行程嘅重點節目之一，係本地網上討論區負責人與內地最大網上討論區「天涯」嘅主事人有精彩交鋒，大談兩地營運嘅異同與商機，希望佢哋能夠傾出成果，為本港科技界開出一條「錢路」。
余絲韻