大興短炒獲利39萬
樓市氣氛轉旺，新界細價樓續當炒，屯門大興花園有極高層戶獲外區買家以192萬元購入，七個月升值約25.5%；儘管今、明兩日整體預約睇樓量因節日而下挫，惟新界屋苑睇樓量不跌反升。
中原賴燕儀稱，大興花園2期4座極高層D室售192萬元，原業主約七個月帳面賺39萬元。利嘉閣葉瑋珩稱，同區翠林花園C座中層1室售138萬元，約十個月升值33萬元。
美聯梁志輝稱，沙田第一城上月錄約105宗成交，已超越十一月整月，其中1座中高層D室，原業主於十一月以226萬元購入，日前獲上車客以242萬元承接，兩個月升值16萬元。該行另稱，天水圍栢慧豪園5座高層戶剛以約226萬元「摸出」，約五個月升值約30萬元。
新界預約睇樓逆市升
市區細價樓亦錄短炒，中原稱，牛頭角淘大花園L座高層4室售225萬元，呎價5,079元，三個月升值5萬元。港置稱，將軍澳都會豪庭4座低層C室，獲用家即睇即買，成交價278萬元，十個月升值53萬元。
利嘉閣稱，今、明兩日五十個指標屋苑錄2,865組預約睇樓，按周跌約1.7%；但新界區睇樓量逆市升約1.6%。