曾經因為金融海嘯要裁員而畀外界指摘嘅台積電，自從由張忠謀重掌帥印之後，就好積極修補與員工嘅關係。唔單只今年全員加薪15%，仲有例行嘅調薪，加上今年公司純利可望創下歷史新高嘅1,500億元新台幣，一眾夥計嘅分紅亦水漲船高。
增撥53億獎勵員工
聽講年終獎金除咗會維持出多兩個月糧，公司撥出嚟做獎金及分紅嘅錢有成210億元新台幣（逾53億港元），由3萬名員工去分，計落平均每人可以分70萬元新台幣，即係大嗱嗱17.7萬港元，較去年多成28%！
公司形象已經恢復昔日光芒，張忠謀尋日講明出年會再加人工，等大家畀啲心機做嘢，至於加幅就會跟大圍喇。
余絲韻