昨日推介快意節能（08032）停牌等配股，還記得對上一次古晨推介此股見報又係撞正停牌配股，純屬巧合。老實講，呢類炒股要睇住成交上落車，前日股價及交投異動，追貨係正路，誰知咁快落閘唔益人，惟有睇睇今次復牌開價再作決定。
港股繼續在高位反覆，恒指全日波幅181點，游資轉攻二三線，零售及電訊設備股輪流炒。上周推介的英皇鐘錶（00887）昨升16%，表現令人喜出望外！
今日推介異動股國際精密（00929），主要製銷硬盤驅動器、液壓設備及汽車之精密金屬零件，今年上半年業績虧轉盈賺6,604萬元，反映業務正全面復甦，假設下半年經營表現能保持上半年水平，預測市盈率才8倍，估值仍具上升空間。
昨日國際精密股價創52周高位，以預測市盈率12倍計，合理價可見1.68元，打個八折都值1.35元，跌穿0.97元止蝕。
古晨