對於唐駿嘅「學歷門」事件，有傳新華都老闆陳發樹仲激到掟杯，後來陳總嘅助手即刻澄清，話佢知道件事就笑瞇瞇講「做個名人唔容易」。
雷軍傳重掌金山
依家唐駿嘅形象受損，公司內部即刻有人爆料，直指「兩個禮拜後，唐駿會因為身體原因離開新華都」。公司梗係拿拿聲澄清，話冇聽過呢啲講法，而咁啱金山亦有啲人事變動嘅消息。
有傳喺3年前卸任金山CEO嘅雷軍，有望重返公司執掌帥印，消息即刻刺激金山股價急升4.4%。內地網站TechWeb就話收到金山嘅聲明，指雷軍一直參與金山內部嘅重大決策，今後將繼續參與指導金山嘅管理，如有雷軍喺金山任職嘅變動將第一時間對外發布。
余絲韻