今年已經係恒生連續第9年贊助呢項活動，主題係青少年禁毒及打擊資訊科罪案，吸引咗超過14萬名青少年參加，參賽者要經過問答比賽、閱報報告、寫作、才能測試及面試等，勝出嗰21位可於下月去加拿大交流。
勉青少年發揮所長
自言鍾意睇波嘅Andrew形容，參賽者要過五關斬六將，競爭情況就好似西班牙隊爭入決賽捧走世界盃咁激烈。
對於啲攞唔到獎嘅參賽者，Andrew就以足球運動作比喻，話球場上每個球員各有天分，攻守崗位同樣重要，希望青少年發掘自己嘅長處並加以發揮，無論係幫警方將罪犯繩之以法，抑或為防止罪案發生出一分力，總之就大家一齊協助警方減少毒品及網上罪案喇。
余絲韻