iPhone 4近期負面新聞多多，但喺市場聚焦於呢場iPhone 4爭奪戰之際，手機網絡商原來正為爭奪iPad相關嘅數據服務進行暗戰。和電香港（00215）旗下3香港將於下周推出可應用於iPad嘅電子書服務，而數碼通（00315）尋日亦特別發出聲明，話將於數周內推出專為iPad而設嘅數據服務計劃，擺明車馬不讓對手專美！
據了解，3香港下周推出嘅「電子書服務」，其重點就係為包括iPad在內平台，提供適合本港市場需要嘅內容及流動寬頻配套，所以根本就係把握iPad行貨登陸香港嘅機遇。至於數碼通方面，除咗尋日發出嘅聲明外，早前亦主動向外展示其「X-Power雲端上網平台」喺支緩iPad方面嘅能力，為呢場iPad爭奪戰而磨拳擦掌。
余絲韻