港股昨日高開291點，惟其後升幅逐步收窄，唔少股份更掉頭回落。不過，電訊設備板塊就剛好相反，於午後炒味漸濃，勢頭唔錯，料今日續有炒作，值得跟進。當中可以留意京信通信（02342），其股價昨日升近2%，收報8.83元。
事實上，在三網融合政策下，電訊設備股前景的確值得睇高一線，故此於早前的跌浪中，京信股價表現亦相對硬淨，回落至8元水平附近就再跌唔落。況且，內地早前已公布有關「三網融合試點方案」，故預期待內地將逐步落實該方案的細節後，將有望為集團帶來更多的額外定單，盈利前景樂觀。
昨日電訊設備股突然落鑊，唔排除好快會有好消息公布都唔定，宜密切關注，目標價就先睇10元。
配腳方面，先揀來早於八十年代已在內地開始累積土儲的新世界中國（00917），近日內房股有反彈，土儲豐厚的新中理應落鑊。集團的土儲唔少是早年買入的平價地，市場相信公司為免囤積土地，今明兩年會加速興建和推盤，未來兩三年的業績值得憧憬。走勢上，集團股價似乎亦觸底成功，且已收復多條平均線，短線目標可睇3元。
最後眼見近日半新股有翻炒迹象，故順勢揀來四月尾才上市的思嘉集團（01863），該股昨日走勢剛現突破，值得跟進。
京信通信（02342）
目標價：10元
止蝕位：8元
戰鬥力：☆☆☆☆
目標價：3元
止蝕位：2.4元
戰鬥力：☆☆☆☆
目標價：3.8元
止蝕位：3元
戰鬥力：☆☆☆
帥哥